أسئله يوميه

السلام عليم ورحمه الله وبركاته

اسئله نتعرض لها بشكل يومي هي حقيقه اسئله ثانويه وعفويه بس احيانا مزعجه وتدل على بساطه سائلها
طبعا هي من وحي الواقع السوري :



*متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

**
ههههههههههههههههههههههههههه


*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه

إجيتوا ؟؟؟*

*لا والله لساتنا عالطريق، في عجئة بشارع بغداد*

**



*لابس أحلى أواعيك ومتعطّر وشايل مفاتيح السيارة وجزدانك ورايح خارج البيت،

بيجي حدا من أهلك بيسألك، شو رايحلك شي مشوار !!؟؟*

*لا والله طالع عالأسطوح صلّح صحن الديجتال*

**

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي بالتلفون؟*

*لأ شو إحكي !!! بس كنت عم جرب *

صوت طنة الأرقام **



*حاطط راسك ونازل بهالكتب والدراسة، بيجي أبوك أو امك...: عم تدرس؟*

*لا والله ...!! عم غير زيت للسيارة*

**

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي

بتجاوب: شو بتساوي اول يوم العيد ؟ أكيد بتروح بتزور الأهل والقرايب *

*لا والله بالعادة بفكر العب شدة وماروح لعندهم *



**



*بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة

بيئلك: واحد ؟*

*لأ 60 واحد ؟ ورجعلي الباقي **



*أشّر بأصبعته الكريمة لتكسي، وفعلاً وقفلو السائق، بيسأله الزلمي : فاضي؟؟؟؟؟*

*لأ ... عندي 10 طلبيات، بس وقفت حيونة*

**
هههههههههههههههه


*بدك تنزل من الميكرو: عاليمين زكاتك.... بتتلقى الرد من الشوفير: نازل ؟؟*

*لا والله بس عم جرب صوتي !!!



هههههههههههههههههه فعلا شي بيجنن
صراحه ما عم تتعرضو على هيك اسئله بحياتكم اليوميه



اتمنى ان يكون الموضوع قد نال اعجابكم !!!

تحيــــــــــــــ (" وائل بغمليخ ") ـــــــــاتي

يا سيدي فعلا أسئلة منتعرضلا كل يوم بس صارت معتادة لذلك ما عد نهتملها كتير بس فعلا ساذجة
أبدعت الله يقويك

ههههههههههه

اي والله اخي وائل الله يعطك العافي بايدك حق

كتير بنسمع هيك

تحيه إلك وائل الغالي

هههههههي ....معك حق

خاصة اول سؤاليين ...لازم ينسالوا كل يوم

مشكور على الموصوع الحلو

كل الشكر لمروركم العطر اخوتي

نورتو الموضوع .. تحياتي وحبي لكم

مشكوووورين يا غوالي

وائل كيفك شو عم تكتب موضوع ههههههههههههه


كتير حلو ضحكني بجد تسلم ايديك

ههههههههههههههههههههههههههههههههههه
ههههههههههههههههههههههههههههههه

لا والله عم انفخ دولاب البسكليت

هههههههههههههههه

الف شكر الك ساندي الغاليه على المرور الحلو

تحيـــــــاتي الطيبه الك يا غاليه

تقريبا كل يوم بسمع نفس الاسئلة
مرسي وائل
تقبل مروري

مرورك اسعدني ميليسا الغاليه

نورتي صفحتي

لك كل الود