إنترنت .....!!!

ما بتستجر تعطس عطس
اذا حدك واحد ع الواتس
ان حكيت تموت فطس
شو هالحاله التعباني ..
بتحس حالك تعيس
وقت بتفتحو للفيس
معشعش بقلبو ابليس
وبالصفحات الملياني ...
هوي اذا عندو تويتر
هيي فورآ تتوتر
تدعي يلزق ع توتر
ويروح بخبر كاني ....
ع الواتس ماعم اقدر
من جوزي فورآ يضهر
بربك دق ع الفايبر
وخلي الشغله سريي..
فقيرا كتير يا حرام
وعقلا ينقاس بغرام
عندا صفحه ع انستجرام
فيديو وصور شخصي..
ع كتر السهر عم بيدوب
وعاملي فيها طيوب
كل يوم بيفتح يوتيوب
ع مواقع مو رسميي..
موبايلا بأيدا مسكت
والف كبسه فيه كبست
اتاري عندا مكست
وكمان بحافظه مخفيي..
لوحدي انا تمشات
نغشات فيها نغشات
والله عندا وي تشات
صوت وصوره يا خيي...
جايي صوبي ومبكر
يمشي هيك ويتغندر
عندو حساب مسنجر
وليش شايف حالك عليي ....